Uda atseden hartzeko unea da, baita aisialdiaz, adiskideez eta familiaz gozatzeko momentua ere. Alabaina, ikasteko aukerarik ere egoten da udako oporraldian, turismoari edota udako oporretako koadernoei esker.
Artikulu honetan, Anaya/Haritzaren udako koadernoak nolakoak diren azalduko dizugu.
Udako oporretako koadernoen onurak
Udako koadernoak irakasleen ohiko gomendioa dira, ikasleek ikasturtean zehar ikasitako edukiak indartu ditzaten. Izan ere, hainbat onura dituzte:
- Ikasturtean zehar finkatutako ikasteko ohiturak mantentzen laguntzen dute.
- Konfiantza ematen diete ikasleei, hurrengo ikasturteari begira.
- Edukiak berrikusteko eta kontzeptuak finkatzeko aukera ematen dute.
- Koadernoek berez duten izaera ludikoari esker, ikasleek modu jostagarrian ikasten dute.
Lehen Hezkuntzako koadernoak
Bidean Anaya/Haritzak Lehen Hezkuntzarako duen udako koaderno-bilduma da. Koaderno horietan, ikasleak Irati eta Aimar izeneko neba-arrebekin joango dira bidaian, munduan zehar: Karibe itsasoa, Saharako basamortua, Txina, Zeelanda Berria, Estatu Batuetako natura-parkeak, Eskandinavia.
Bidean bilduma bost arlo lantzeko pentsatuta dago: Euskara, Lengua castellana, Matematika, Zientziak eta Ingelesa.
Koadernoek, gainera, opari-kode bat dute amaieran; kodeak aukera ematen du doako hezkuntza-aplikazio batean sartzeko eta modu ludikoan ikasten jarraitzeko.
